ಕಾವ್ಯ ಸಂಗಾತಿ
ಮಾಜಾನ್ ಮಸ್ಕಿ
ಗಜಲ್
ನಗುನಲ್ಲಿಯೇ ಮನ ಸೆಳೆದು ನೋಡಬೇಡ ಮೊನಾಲಿಸಾ
ಸರಿಸಾಟಿ ಇಲ್ಲದ ಮೋಹಕತೆಯಲ್ಲೇ ಕಾಡಬೇಡ ಮೊನಾಲಿಸಾ
ನಿನ್ನ ನೋಡಿದಾಗಿನಿಂದ ಹೃದಯ ಬಾನಿಂದ ಪ್ರೀತಿಯ ಸುರಿಮಳೆ
ಭಾವನೆಗಳನ್ನು ಕೆರಳಿಸುವ ನವಿರಾದ ನವಿಲು ನಾಟ್ಯಬೇಡ ಮೊನಾಲಿಸಾ
ನನ್ನೋಲುಮೆಯ ಬಾನಂಗಳದಲ್ಲಿ ಚುಕ್ಕೆಗಳಾಗಿ ಕಾಡುತ್ತಿವೆ ನಿನ್ನಯ ನಯನ
ತೀರದ ಕನಸುಗಳು ನನಸಾಗಿಸಲು ಮರೆಯಬೇಡ ಮೊನಾಲಿಸಾ
ತುಂಬು ಗಲ್ಲದ ಡಿಂಪಲ್ ನಲ್ಲಿ ಅಡಗಿದೆ ನನ್ನಯ ಛಾಯೆ ಗೆಳತಿ
ಅವಿತು ಕುಳಿತಿರುವ ದಿಲ್ ಗೆ ಬೇಟೆ ಆಡಬೇಡ ಮೊನಾಲಿಸಾ
ನಿನ್ನ ಕಣ್ಣ್ ಬಿಜಲಿಗೆ ಸೋನಿ ಮಳೆಯಲ್ಲಿಯೂ ಬೆವರುತ್ತಿರುವೆ “ಮಾಜಾ”
ಹಿತವಾದ ಮಳೆ ಹನಿ ಸುರಿಯಲಿ ಆರ್ಭಟ ಮಾಡಬೇಡ ಮೋನಾಲಿಸಾ
