ಕಾವ್ಯ ಸಂಗಾತಿ

ಪ್ರೊ ರಾಜನಂದಾ ಘಾರ್ಗಿ

ತಾರೆಗಳ ತಂದು

ನನ್ನೆದೆಯ ಬಾನಿನಂಗಳದಿ
ಚಂದಿರನಿಂದು ಉದಯಿಸಿದ
ತಾರೆಗಳ ತಂದು ಜೊಡಿಸುತ
ಚುಕ್ಕೆಗಳ ರಂಗೋಲಿ ಬಿಡಿಸಿದ

ಮೊಡಗಳ ಮರೆಯಲಿ ಅಡಗುತ
ಕಣ್ಣು ಮುಚ್ಚಾಲೆ ಆಡುತಲಿದ್ದ
ಅಲೆಗಳಲಿ ಜೀಕುತ ತೆಲುತ
ಭಾವತರಂಗಗಳನ್ನು ಎಬ್ಬಿಸಿದ

ತಂಗಾಳಿಯಲಿ ಕಿರಣಗಳನೆದ್ದಿ
ಮನಕೆ ತಂಪನು ಸಿಂಚಯಿಸಿದ
ಹಾಲ್ಗಡಲಲಿ ಮಿಂದೆದ್ದು ಬಂದು
ಮನದಿ ಬೆಳಕು ಸಿಂಪಡಿಸಿದ

ಬೆಳದಿಂಗಳಲಿ ಮಿಂದೆದ್ದ ಧರಣಿ
ಜೋಗುಳವ ಹಾಡುತಲಿರಲು
ಮೋಡಗಳಲಿ ಪಯಣಿಸಿದ ಶಶಿ
ಪಡುವಣದತ್ತ ಜಾರಿ ಪವಡಿಸಿದ

About The Author

admin

See author's posts