ಕಾವ್ಯ ಸಂಗಾತಿ
ಡಾ ಡೋ.ನಾ.ವೆಂಕಟೇಶ
ಮೃಗತೃಷ್ಣಾ
ಮಧ್ಯಾಹ್ನ ಬಂತು
ಪ್ರಾಚೀನ ಸ್ನೇಹಿತನ ಕರೆ!
ಆಗಿ ಹೋಗಿದ್ದ ಸ್ನೇಹಿತ
ಮರೆತು ಹೋಗಿದ್ದ ಚಡ್ಡಿ
ಗೆಳೆಯ
ಹೇಗಿದ್ದೀಯೋ ವೆಂಕ
ಹಾಗೇ ಇದ್ದೀಯ ಅಥವಾ
ಈಗೀಗ ಮಂಕ
ಪುರಾಣ ಪುರುಷನ ಪ್ರತಾಪ ಬರೆ ಬರೇ ಸಿಂಬಳ ಬುರಕ
ಹಿಂದಿನ ಸಾಲಿನ ಪಕ್ಕಾ
ಬೆಳೆಯುತ್ತ ಬೆಳೆಯುತ್ತ
ಕಚ್ಚೇ ಹರುಕ
ಎಲ್ಲೋ ಓಡಿ ಹೋಗಿದ್ದನಂತೆ
ಕಂಡು ಕೇಳರಿಯದ ದೇಶಕ್ಕೆ
ಆ ವಿದೇಶದ ಸಂಖ್ಯೆ ಬೆಳೆಸಿದ್ದೆ
ಇವನಂತೆ!
ಮತ್ತೆ ಈಗೇನು ಇಲ್ಲಿ
ಜನಜಾಸ್ತಿ ಜಾಗದಲ್ಲಿ?
ಹಾಗೇ ಕಣೋ,ನಾ ಹೋಗುವ
ದಿನ ಬಂತು
ಸ್ಸ್ವಾತಂತ್ರ್ಯ ಇಲ್ಲಿಂದಲೋ
ಅಥವ ಎಲ್ಲಿಂದಲೋ
ಸಂತಾಪ ಸೂಚಕ ಸಂದೇಶ
ನಿನ್ನಂದಲೇ ಮೊದಲು
ಎಲಾ ಇವನ ನೀ ಮೊದಲೋ
ಅಥವ ನಾನೋ,
ಯಾರೋ
ಕರ್ಛೀಪು ಹಾಕಿರುವರು
ನಾನಾಗಲೇ ಇಲ್ಲಿಲ್ಲ
ಹೇಳಿದ ಪುರಾಣ ಪುರುಷ
ಆಗಿ ಆಧುನಿಕ
ಗಡಬಡಿಸಿ ಎದ್ದು
ನಿದ್ದೆಯಿಂದೆದ್ದು ಮತ್ತೆ
ನಿದ್ದೆಗೆ ಕಾಯುತ್ತಿದ್ದೆ
ಬೇಸಿಗೆಯ ಕಡು ಬಿಸಿಲಲ್ಲಿ
ಮರೀಚಿಕೆ
ಮೃಗತೃಷ್ಣಾ
ಬಿಸಿಲ್ಗುದುರೆ !
About The Author
Leave a Reply