ಕವಿತೆ
ಬೆಳಗು
ವೀಣಾ ನಿರಂಜನ
ಈಗಷ್ಟೇ ಏಳುತ್ತಿದ್ದೇನೆ
ಒಂದು ಸುದೀರ್ಘ ನಿದ್ರೆಯಿಂದ
ಇನ್ನೇನು ಬೆಳಕು ಹರಿಯಲಿದೆ
ತನ್ನದೇ ತಯಾರಿಯೊಡನೆ
ಪ್ರತಿ ದಿನ ಸೂರ್ಯ ಹುಟ್ಟುತ್ತಾನೆ
ಸೂರ್ಯನೊಂದು ಕಿರಣ
ಕತ್ತಲೆಯ ಎದೆಯ ಹಾದು
ಬಗೆಯುತ್ತದೆ ಬೆಳಕು ಮೂಡುತ್ತದೆ
ಬರೀ ಸೂರ್ಯ ಹುಟ್ಟಿದ್ದು
ಕೋಳಿ ಕೂಗಿದ್ದು
ಹಕ್ಕಿ ಕಲರವ ಕೇಳಿದ್ದೇ –
ಬೆಳಗಾಯಿತೀಗ ಎಂಬರು
ಕಾನು ಕತ್ತಲೆಯ ಸರಿಸಿ
ಭೂಮಿ ಬೆಳಗಿದರಷ್ಟೆ ಸಾಕೇ
ಎದೆಯ ಕತ್ತಲು ಬಗೆಯದೆ
ಬೆಳಗಾಗುವುದೆಂತು
ಸಹಸ್ರ ಬೆಳಗುಗಳ ಸೂರ್ಯ
ಹೊತ್ತು ತರುವ ಬೆಳಕಿನ ಕಿರಣಗಳಲ್ಲಿ
ಒಂದು ಕಿರಣ ದಕ್ಕಿದರೂ ಸಾಕು
ನಡು ನೆತ್ತಿಯ ಸುಟ್ಟು ಕೊಂಡು
ಸಾರ್ಥಕ ಈ ಬದುಕು.
**************************
About The Author
ಒಳಧ್ವನಿ …ಬೆಳಕಿನ ಹುಡುಕಾಟ….
ಕವಿತೆ
ಮಾರ್ಮಿಕವಾಗಿದೆ
ಚಂದಿದೆ