ಧನಿಕನ ರಿಮೋಟ್ ಕಂಟ್ರೋಲ್ ..
ಕೆ.ಜಿ.ಸರೋಜಾ ನಾಗರಾಜ್
ಹಸಿವಿನಿಂದ ಸತ್ತೋರಿಗೆ
ಹಬ್ಬ ಸಡಗರಗಳೆಂತು
ಹೊಟ್ಟೆ ಬಟ್ಟೆ ಕಟ್ಟಿದೋರು ಬಡವರು
ಅನ್ನವೆಂದು ನರಳುತ್ತಾ ಬದುಕುವರು..!
ಕೋಟಿ ಕೋಟಿ ಕನಸುಗಳೊಂದಿಗೆ
ಉರಿಯುವ ಮನಸ್ಸುಗಳ ಭೂಕಂಪ
ಹೆಣವಾಗಿಸುವ ಸೂಚನೆಗೆ
ಹೊರಗೆ ಬಿದ್ದವರು ಬಡವರೇ..!
ಹಸಿವಿನ ಕಣ್ಣುಗಳ ಮೇಲೆ
ಹೊಂದಿದವರು ದೌಲತ್ತು
ಗೋಳಿನ ಕಡಲನು ಬತ್ತಿಸಲು
ಬಡವನ ಗುಡಿಸಿಲಿಗೆ ಬರಲೇ ಇಲ್ಲ..!
ಕಳಂಕ ರಹಿತ ಧರಣಿಗೆ
ಬಡವನ ಹಸಿವೇ ಚರಿತ್ರೆಯಾಗಿರುವಂತೆ
ಶತಮಾನದ ಬಡತನಕ್ಕೆ
ನೂರಾರು ಸಾಕ್ಷಿಗಳು ಗುಡಿಸಿಲಿನಲ್ಲಿ..!
ಬಡವನ ತಲೆಗೆ ಧನಿಕರ
ರಿಮೋಟ್ ಕಂಟ್ರೋಲ್
ಹೆಬ್ಬೆರಳೊತ್ತುವನೆಂದು
ಕನಸು ಉಪವಾಸ ಮುರಿದು
ಧನಿಕನ ಮನೆಯ ಮಗುವಿನ
ಹೆಸರಿಟ್ಟ ಮೇಲೆ ಚೆಲ್ಲಾಡಿ ಬಿಟ್ಟ ಆಗುಳ ತಿನ್ನುವವರು…
********
About The Author
